| Block title |
|
 |
| قائمة الموقع |
|
|
| فئة القسم |
|
|
| تصويتنا |
|
|
| إحصائية |
المتواجدون الآن: 1 زوار: 1 مستخدمين: 0 |
|
| بتوحشنى |
|
|
| مشاركة بموقع |
|
|
| Block title |
|
|
| Block title |
|
|
|
ليله الدخله كامل مكمل
بسم الله الرحمن الرحيم
صباح الفل عليكم ياعرايس ياحلوين ربنا يكمل فرحتكم علي خير يارب
انا عارفه طبعا ان اي عروسه فرحها قرب بتكون في حاله غير الحاله الله يعنيك والله احساس مجرب
بس صدقيني
ولا ليه لازمه القلق والعصبيه لانه كله بيعدي واللي ربنا عاوزه بيكون
انا اريد وانت تريد والله يفعل مايريد
وارجع واقولكم تاني
انك لحد يوم فرحك وانتي في القاعه هتفتكري انك مجبتيش حاجات
ومتضايقيش لان ده طبيعي وبيحصل عند كل عروسه
ندخل بقي في المهم والاهم
في ليله الدخله الليله المحظوره وممنوع الكلام فيها للاسف
وده اللي بيخلي البنات قلقانه
وطبعا غير ان العروسه بتسمع كلام من صحابها
وبدخل افكار غلط
وغير طبعا ان الام مبتقولشي حاجه لبنتها
غير ان مفيش وجع ولا حاجه
وهنا بقي لازم وقفه
لازم بالذات في الليله دي الام تكون صريحه مع بنتها في كل التفاصيل
اولا
1- لان الام اللي بتقول مفيش وجع ولو البنت اتوجعت الوهم بيشتغلها وبتفضل قلقانه
2- الام اللي بتقول مفيش دم بينزل كتير ده هيه يدوب نقطه غللللللللللللللللللللط لان برده البنت لو نزلت منها دم زياده شويه القلق برده هيمسكها
دلوقتي
انا جايه اقول لكل عروسه كل حاجه عن ليله الدخله
اولا علشان متخافيش
وعلشان متحسيش انك داخله عالم غريب
وقبل كل حاجه
لازم تعرفي ان اللي بيحصل في ليله الدخله حلال جدا وربنا راضي عنه وبالعكس كمان انتي بتاخدي عليه حسنات
وحاجه كمان احساس الخوف والقلق من عريسك هيروح بمجرد ماباب الشقه يتقفل عليكم
سبحان الله ربنا بينزل في قلبك سكينه وطمئنينه من ناحيه
خلاص دخلنا الشقه
المهم بقي
عريسك ممكن يكون حابب انه يقلعك فستان الفرح بنفسه
لو انتي حسيتي انك مكسوفه وخايفه قوليله بلاش
خليني بنفسي احسن
مع ان دي مفهاش حاجه والعريس بيعمل كدا علشان عاوز يعودك اي حاجه تحصل لازم يعملها معاكي
وصدقيني ده احساس جميل
انه هوه اللي يجبلك لبسك ويلبسك
نكمل
الدعاء
وقت الجماااااااااااااااااع لازم تقولي الدعاء
قولتي الدعاء
الجماع بقي
بصوا يابنات
اولا مش لازم خالص الدخله من اول يووووووووووووووووم
ياريت تكون فاهمني
قليل قوي اللي دخل من اول يوم
لان المكان بيكون ضيق شويه ومحتاج وقت
ثانيا
وجع
اه طبعا بتحسي بوجع وده طبيعي لان زي ماقولت المكان ضيق ومحدش قرب منه
ثالثا
اوعي وقت الجماع تشدي نفسك حاولي تسترخي خالص لان لو شديتي نفسك هتتوجعي اكتر واكتر
فانتي لازم تسحملي الوجع لحد مالغشاء ينفض
وهوه الوجع بالله العظيم مبيتسمرش هيه يدوب دقيقه بس وخلاص
لو انتي مستحملتيش وفضلتي تبعدي جوزك عنك
صدقيني نفسيته تتعب واعصابه هتبوظ
حاولي انتي تستحملي الليله دي
وم بس كدا
لو محصلشي دخله كامله
حاولي انتي تهوني عليه وقوليله عادي اصل اللي انا اللي مش مستعده
ونحاول تاني
اوعيتقولي لحد من اهلك لو محصلشي دخله يعني لو مامتك جات زارتك وليلها الحمد لله واضحكي واهزري
صدقيني لو عملتي كدا جوزك هيشيلك فوق دماغه
يلا يابنات خلونا نكمل باقي الكلام
احنا خلاص اتفقنا ان مش لازم دخله من اول يوم فيه ناس ممكن تقعد 4 ايام لحد مالموضوع كله يتم
اهم حاجه في الفتره دي تبعدي تمام عن القلق لان زي مابقولك اهو ده طبيعي جدا
ويمكن يكون حصل معايا ذات نفسي
طيب خلاص اتفقنا
الموضوع تم اعمل ايه بعضها؟؟
لو انتي البريود خلصت عندك وانتي في وقت التبويض متقوميش من السرير علي طول ولا تستحمي
افضلي مثلا ربع ساعه نايمه علي ضهرك متتحركيش
او ممكن تنامي لحد الصبح
المهم انك متستحميش علي طول لانه بيقلل حدوث الحمل
نصيحه والله يابنات محدش يستخدم الغسول اللي هوه مثلا بيتادين وفيما شابه علي طول
انتي بس استخدميه اخر يوم البريود كطهاره ليكي انماانتي لو استخدمتيه علي طول ده هينشف المنطقه عندك علشان احنا عارفين ان المنطقه دي بتفرز افرازات وده طبيعي
كتر استعمالك للغسول ده بينشف المنطقه خالص
ايام الجواز الاولي يعني مثلا اسبوع الجواز بعد الجماع وبعد ماترتاحي ربع ساعه وانتي في الحمام بتاخدي الدش بتاعك
حاولي تملي البانيوا بمايه فاتره واقعدي فيه شويه
نصيحه تانيه لازم تدفي المنطقه دي جدا علشان متاخديش برد
بمعني ان مثلا
لما تاخدي دش
البسي اندرك عادي بس حطي فوطه صغيره علشان المنطقه دي تكون دافيه ومتاخديش برد فيها
بالنسبه
للحلال والحرام
فانتوا عارفين ان كل شيئ حلال الا الجماع في الدبر
حرام جدا
بس مثلا ممكن تكون في حاجات تضايقك
فمتكتميش في نفسك لازم تقوليله لانك لو كتمتي في نفسك الموضوع ده بدل مايكون سبب لسعادتك هتكوني مضايقه منه
فاتعودي من اول يوم انك تكون صريحه مع زوجكك في كل حاجه
علشان حياتكم تمشي بهدوء
بالنسبه بقي لغشاء البكاره
بصوا بقي وركزوا شويه
الدم اللي بينزله انواعه كتير
فيه ممكن ينزل نقطه واحده
وممكن مثلا اكتر من كدا
وممكن ينزل سائل لونه وردي
المهم انه في تلك الاحوال بيختلف
انا بقول كدا
علشان فيه بنات ممكن غشاء البكاره بتاعهم يكون سائل وردي ووقتها تعيش في وهم هيه وجوزها ان ده مش غشاء البكاره والخ الخ الخ
علشان كدا انا بقولكم اهو
ان لو نزل ليله الدخله السائل ده يبقي ده غشاء البكاره اتفض بس مش كله حته صغيره منه
والدم اللي انتي عاوزه تشوفيه هتشوفيه بس مع الاستمرار
لان زي ماقولت المنطقه دي محدش قربلها وضيقه
اهم حاجه يابنات والله انك متشديش نفسك وقتها وانك تسترخي خالص وانك متاخديش الموضوع بخوف وقلق وكهربه
الاسئله المعتاده
1- لوغشاء البكاره متفضش في اول يوم واهلي جم وطلبوا يشوفوا المنديل زي مابعض الاهل بيطلب؟ اعمل ايه؟
بصوا ياحبايبي وانتي بنت وفي بيت اهلك حاجه وانتي مجوزه وفي بيت جوزك حاجه تانيه خالص بمعني ان اوضه النوم دي اوضه مقدسه اي نفس فيها مينفعشي خالص يطلع بره وده مش كلامي لوحدي ده حتي جوزك هيقولك كدا .
لو الغشاء متفضش في اول يوم وجم اهلك اوعي تبيني حاجه اضحكي وهزري كأن مفيش اي حاجه ولو طلبوا منك يشوفوا المنديل زي مابيقولوا لازم ردك يكون صريح (حرام) دي حاجه تخصني انا جوزي حرام تشوفوها وانا اتفقت معاه علي كدا لا اهلي ولا اهلك
2-قبل الجواز لازم تشوفي نفسك الاول ان كان عندك التهابات فيالمنطقه ولا لاء التهابات عراض حكه هرش افرازات لونها بيضا ومجبنه شويه ريحه مش حلوه؟؟ اعمل ايه واثرها ايه؟
اوعي يكون عندك اي حاجه من الحاجات دي وتتجاهليها اوعي بجد قبل الجواز لازم تتعالجي منها اولا لانها هتسببلك وجع وقت الجماع صعب قوي
تاني حاجه ان الالتهابات بتموت الحيوانات المنويه وبيكون نسبه حدوث الحمل قليله
انا بحاول والله فيه كلامي اني مخرجشي عن الحدود
بس دلوقتي هخرج شويه بس مش كتير
هكلم دلوقتي عن وضع فض غشاء البكاره
بصوا يابنات اول يوم ده بيكون يوم المحاولات في كذا وضع
لو الاوضاع منفعتشي فده الوضع المثالي لفض الغشاء
انك تكوني نايمه عند حرف السرير مثلا وتحتك مخده صغيره ورجلك تحت ورجلك تانيه عند كتفه او وسطه
ده اسهل وضع
هتقوليلي واقوله ازاي؟؟؟؟
لو عمل محاولات كتير واواضاع مختلفه ومحصلشي قوليله فيه دكتوره كانت قايله للصاحبتي علي الوضع ده
ده مفهاش احراج ولا حاجه
الزوج في الوقت ده بالذات بيكون جواه بركان قلق وتوتو محدش يتخيله فبيكون عاوز حد يسانده ويهون عليه
فخليكي دايما في وقت الجماع بالذات حنينه عليه واصبري واستحملي اليوم ده بالذات وبعد كدا كل شيئ هيبقي سهل جدا
بصوا كمان انا بقول استحملي ليه مش علشان الالم ولا حاجه ايوه انتي بتحسي بالم بس مش الم قوي يعني
بس احنا وقتها بندلع وبنكون خايفين فتلاقي الواحده مننا بتصوت واللي بتزقه واللي بتضربه يعني المواهب كلها بتطلع..هنا بقي ولازم تعرفي حاجه ان الراجل لو انتصب اكتر من مره في وقت واحد ومحصلشي حاجه ممكن يحصله انتكاسه ومينتصبشي تاني
فعلشان خاطري يابنات الوجع والله في الموضوع ده دقيقه بس وخلاص استحمليها خبي وشك عضي في اي حاجه المهم استحملي
الحب وقت الجماع يعني مداعبات
ايه هيه المداعبات؟
كلام حلو بوسه حضن لمسات وهكذا
المداعبات دي مهمه قوي وبتهسل عمليه الجماع ليه؟؟ علشان البنت وقتها بتفرز افرازات سائل لزج كدا ده اللي بيسهل عمليه الجماع.
قبل الجواز هاتي من الصيدليه جلسرين طبي ده تعملي بيه ايه؟؟؟؟ لو محصلشي مداعبات كافيه لنزول السائل ده بتجيبي حبه جلسرين وتحطيه علي المنطقهدي علشان متحسيش بالالم؟
وارجع اقولكم تاني
صحابكم هيقولولكم هاتي جيل من الصيدليه بتاع وقت الجماع
واللي تقولك حطي زيت
لالالالالالالالالالالالالالالالالالالا
اولا الجل هقول اه بيسهل عمليه الجماع بس بعدها انتي هتعاني من قله افرازاتك الطبيعيه
ثانيا بلاش تحطي اي زيوت في المنطقه دي
الزيوت دي مكتوب عليها استعمال خارجي
وانتي لو حطتيه مع الجماع هيدخل جوه وهيسببلك التهابات
فالجلسرين الطبيعي ده اضمن حاجه
بالنسبه لقرب او بعد الغشاااااااااااء
طبعا اصلا احنا البنات معروف عننا ان الوهم حبيبنا وصاحبنا في كل وقت
واحدهمثلا هرشت جامد فيالمنطقه دي
واحده وقعت
واحده فتحت رجلها
واحده وهيه بتستحمي لمست المنطقه دي
كل دا
لـــــــــــــــــــــــــــايؤثر علي غشاء البكاره يابنات
لو كان غشاء البكاره سهل الوصول اليه كدا
كان زمانا كلنا ماشيين من غيره
بس ربنا سبحانه تعالي محافظلنا علي الغشاء ده ولا اي حاجه تأثر فيه غير وقت الجماااااااااااااااااااااااااع
ارجع تاني واقول النقطه دي علشان انا بس حابه تركزوا فيها وتفتكروها
ممكن وقت الجماع ينزل منك نقطه دم
وممكن مينزلشي غير مثلا سائل كدا وردي شويه
وممكن مينزلشي خالص
هل معني كدا ان مفيش غشااااااااااااء؟
لاء طبعا
فيه غشاء مطاطي
وفيه غشاء عنبه
وفيه غشاء سميك
الغشاء السميك بيتفض بالوضع اللي انا قولتلكم عليه ده يابنات
معلشي الكلمتين الي انا هقولهم دلوقتي محرجين شويه بس استحملوني
اول ايام الجواز الاولي مش لازم عضو الراجل كله يدخل هوه يدوب ممكن يدخل يفضي الغشاء وخلاص
ليه؟
لان المكان ده ضيق وكل مابيزيد الجماع كل مابيوسع شويه
ولو الجماع قل يابنات المكان بيضيق تاني وبرتجع ريما لعادتها القديمه
بالنسبه لفتره التبويض بتحصل بعد البريود وبالظبط اليوم 11 من انتهاء البريود
ده اللي بيحصل فيه التبويض
تعرفي منين؟ وقت التبويض بينزل سائل لزج كدا لونه ابيض
لما ينزل تعرفي ان ده وقت التبويض بتاعك.
يارب اكون جاوبت علي كل الاسئله اللي في بالكم
خلاص احنا خلصنا موضوع فض الغشاء واللي نعمله بعدها
نيجي بقي للنصايح الخاصه بيكي انتي كعروسه
كل شيئ حلال في الجماع الا الجماع في الدبر ده اللي حرام وربنا حرمه... بس خدوا بالكم اهم حاجه الصراحه في العلاقه دي بمعني
انتي مثلا جوزك بيعمل حاجه انتي بتضايقي منها لااااااااااااااااااااازم تقوليله ومش لازم وقتها بعدها قولليه انا بضايق من كدا عارفه ليه؟؟؟
لانك لو مقولتيش وكتمتي في نفسك وقت كل جماع مش هتستمعي بيه وهتكوني مضايقه.. فلازم تكوني صريحه بالذات في المواضيع دي
وتاني حاجه لازم تتاكدي ان كل حاجه بتحصل بينك وبين جوزك حلال وربنا بيديكي حسنات علشانها
دايما عودي جوزك بعد الجماع انه ميقومشي ويسيبك يقعد معاكي شويه
اوعي تنامي في يوم وجوزك زعلان منك حاولي دايما مهما حصل لازم قبل النوم تكونوا متصالحين ودايما خلي الكلمه دي علي لسانك قبل النوم.خليك راضي عني الكلمه دي سحرها عجيب قوي اسألوني انا مجربه
لازم تحطي فيالحمام بتاعك كريم اساس وبودره بحيث انك لما تاخدي شاور بتاعك تحطي كريم اساس وانتي طالعه
جوزك ده سكنك دايما خليكي اسرارك معاه واسراره معاكي واتفقي معاه ان مهما حصل بينكم من مشاكل لا قدر الله لا اهلي ولا اهلك يدخلوا احنا نحل مشاكلنا مع بعض
وانت لو زعلان مني في حاجه قوي
يعني مش تشتكوا لحد عاوزين تشتكوا اشتكوا لنفسكم
صدقيني لو قولتي الجملتين هيرتاح قووووووووووووي لان للاسف دلوقتي كل واحد داخل علي جواز فاكر ان البنت دلوعه والاسرار كلها مع اهلها وان وان فانتي لازم تكسري الحته دي من اول يوم
اهله
مهما قال عليهم وهوه مضايق متغلطيش فيهم هديه بس وقوليله معلشي كل بيت فيه مشاكل وهكذا
دايما حسسيه ان مامته وباباه طيبين وحنينينوانك بتحبيهم
اول ماتصحي من النوم رني عليهم من موبايله ومن موبايلك
صدقيني هتفرق معاكي كتير قوي
هكمل ان شاء الله بس عايزه تشجيع
الموضوع لسه طويل جداااا بس هام لكل مقبله على الزواج
ربنا يتمملكم على خير
ويزرقكم الذريه الصالحه
خلاص اطمنا شويه من ليله الدخله والغشاء وخدنا النصايح التمام
تعالوا بقي نشوف
هتلبسوا يوم الصباحيه
طبعا ليله الدخله انتي بتلبس قميص النوم عادي
طيب نمنا وصحينا خلاص
بتاخدي شور وتلبسي برمودا وكت
او قميص جلباب اللي هوه بيبقي قط وقصير فوق الركبه
فتره العصر
لو جالك ضيوف ولا حاجه البسي لبس خروج عادي
لو مجالكيش
البسي بقي بنطلون وبادي
او جيبه قصيره وبادي
بليل بقي طبعا
قميص نوم
لازم تجددي من شكلك في الايام الاولي
تفضليش طول اليوم قاعده بحاجه واحده
عاوزه اقلكم حاجه كمان
وانتي بتشتري لبس الجواز متكتريش قوي في البيجامات
ان شاء الله تكوني حامل من اول شهر
ومش هتبقي حابه حاجه ماسكه علي بطنك
فهاتي بقي جلبيات قصيره خفيفه هتريحك قوي
عاوزه اقولك كمان حاولي وانتي بتتشري اللبس توسعيه سنه بسيطه
حاجات كمان اهتمي جدا بجوزك دايما خلي في التلاجه بتاعتك عصير
وشربيه لجوزك واكليه فاكهه
علشان يعوض السائل اللي بينزل منه
اساسيات المعامله
اول يوم في شقتك مع جوزك لازم تحطيها علي اساس
بمعني لازم من اول لحظه دخلتي فيها الشقه تعوديه علي حاجات
زي مثلا
1- بعد الجماع ميقومشي ويسيبك لازم تخليه يقعد معاكي شويه يكلم معاكي لان اصعب لحظه لما الجماع يخلصوتكوني انتي مرهقه وتلاقيه واخده بعضه وماشي
بيبقي هاين عليكي تخبطيه بحاجه
2- قبل النوم زي اقولت لازم دايما كلمه خلي راضب عني يسمعها قبل ماينام ومتستكتريش عليه الكلمه دي لانك هتشوفي مفعولهاده غير ان فعلا لازم جوزك قبل ماينام يكون راضي عنك
3- هأكد تاني علي نقطه الشاب دلوقتي فاكر ان البنت اللي بتجوز دلوعه بقي ومش هتشيل سؤليه واي حاجه هتحصل هتجري علي مامتها.. من اول يوم لازم تثبتي العكس
ازاي
قوليله نتفق علي حاجه
لا اهلي واهلك يعرفوا حاجه عننا ومشاكلنا مهما كترت احنا نحلها سوا ولو فيه حاجه مزعلاك متروحشي تشتكي لحد تعالي اشتكيلي انا لو معرفتش تقولي في وشي ابعتلي رساله اكتبلي ورقه
المهم ان سرنا ميطلعشي بره والله يابنات يااااااااااااااه علي الراحه اللي هتشوفيها في وشه لما تقوليله الكلمتين
بصراحه انا قولتهم يوم قرايه فاتحتي والحمد لله قسم بالله معامله مش عاوزه اقولكم وربنا يديمها عليا يارب
انا بكتبلكم الكلام ده علشان انا بقعد اكلم مع جوزي يقولي انا كنت فاكرك دلوعه واي حاجه هتحصل هتجري علي باباكي بس كبرتي في نظري وقدرتك لما قولتيلي كذا وكذا قد ايه حبيتك اكتر
4- اصعب حاجه بقي في النيا ان جوزك يرجع من الشغل يلاقيكي قاعده مكتئبه واول ماتشوفيه توقليله انا زهقانه والله بيبقي هاين عليه يرمي نفسه من البلكونه او يلف يرجع تاني
اختار دايما الوقت المناسب اللي تتكلمي فيه معاه علي زعلم او حزيك
يعني اصبري عليه لما يدخل وياخد دش ويتغدي وبعدين اكلمي معاه زيماانتي عاوزه بس مش بعصبيه وخنقه قوليله بما اننا اتفقنا اني مشتكيش لحد غيرك فانا بشتكيلك اهو انا عاوزه اخرج شويه وكذا
5-دايما غيري من نفسك في البيت بلاش يكون حافظك بشكل معين
6- ادلعي عليه بمعني استخبي مثلا وخضيه اعملي فيه فصل
قبل ميعاد شغل استخبي ورا الباب وهكذاااااااااا
7- اول مايفتح باب الشقه لازم يلاقيكي ناطه واقفه قدامه وبتضحكي في وشه
- طبعا اتكلمت انا معاكم في موضوع الاهل وقولت ده وضوع حساس جاري امورك مع اهله بالذات وعلي فكره الراجل مبيحبش الست اللي بتشتكي علي طول
يعني اسمع شكوته انما مش تشتكي علي طول
لو انتي مثلا مضايقه قوي من حاجه طلعي كل اللي جواكي في ورقه
يعني اكتبي اي حاجه مزعلاكي
9- دايما لازم ولابد يكون فيه حوار مابينكم لما يجي من الشغل وبعد الغدا قوليله بقي يلا احكيلك يومك كان عامل ازاي
وعملا ايه وايه اللي حصل وهكذا
اول اسبوع جواااااااااااااااااز اتعامل ايه؟؟؟
سؤال اتسأل عهنا في الاسئله
ومش عارفه ليه ياحبايبي انتوا شايلين هم كل حلظه في بيت الزوجيه مع ان والله احسن لحظات هتعيشيها هتكون فيه
احساس انك في بيت لوحدك وبقيتي مسؤله عن شخص احساس جميل جدا وبالذات لما يكون الشخص ده انتي بتحبيه وبيبادلك نفس الشعور بتبقي حياتكم جنه والله
ومفيش اي حد يقدر يقولكم تعملي ايه بالظبط اولماتصحي من النوم وكل دقيقه لان كل دا بيكون متوقف علي جوزك ياتري لما تقومي من النوم هيفطر ولا هتقعدوا تتكلموا شويه ولا هتعملوا ايه؟؟
كل دي اسأله ياريت متشغلشي بالك خالص فيه حاجات تانيه لازم تشغل بالك وتفكري فيها
انما اللحظات والساعات بلاش نححسبلها هتبقي ماشيه ازاي...
بس عاوزه اقولكم حاجه
الاحراج والكشوف ده في قمه الجمال لانه دليل علي تربيتك الكويسه جدا جدا جدا
وصدقيني الاحساس ده هيروح بمجرد ماب الشقه هيتقفل عليكم
وارجع اقولكم نفس الاحساس اللي حسيته
معي اني اتجوزت واتخطبت في اقل من 4 شهور
يعني ملحقتش اخد عليه قوي وكمان كان شغله واخد كل وقته فكانت الامور مش متظبطه وكنت هموت من التفكير هتعامل ازاي والعلاقه هتبقي ماشيه ازاي
بس والله يابنات
اول مالباب اتقفل والناس نزلوا
اول ماعيني جات في عينه كل خوف الدنيا راح احساس الامان والاطمئنان سكن جويا لدرجه محدش يتخيلها
سبحان الله ربنا بينزل سكينه في قلبك ناحيه الانسان ده لدرجه حلوه قوي
فانا اسفه والله مش هقدر اقولكم تصحوا من النوم تاكلوا وتعملوا كذا وكذا لان كل دا بيختلف طبعا من بنت لبنت ومن جوز لجوز
ربنا يسعدم ياامكم يارب
الغيره
الغره حاجه لحوه بجد احسا حلو انك تعيشي وتحسي انك حد بيغير عليكي
غيره يعني اهتمام يعني حب يعني تقدير لذاتك
بس
الغيره اللي بتزيد عند حدها مش بتبقي حلوه وبتخنق يعني مثلا الغيره العاديه
انه يغير عليكي من صحابه من قرايبك الشباب
يخاف عليكي لما تخرجي لوحدك يكون علي طول باتصاله بيكي
كل دا مقبول
اللي مش مقبول بقي
انك متطلعيش البلكونه ولاتفتحي الشباك لوحدك متكلميش اي حد من قرايبك نهائي ولا حتي اجوازواخواتك
متخرجيش من البيت غير لما يكون معاكي
هنا بقي
اللي لازم تاخدي وقفه بجد
لان في الخطوبه حاجه وبعد الجواز حاجه تانيه في الخطوبه انيتوسط اهلك واخواتك وصحابك انما في الجواز هتكوني لوحدك معظم الوقت طول اليوم فهتتخنقي وتتمردي وهيبقي الوقت فات
قدري ظروف جوزك
اصعب حاجه علي الراجل انه تكون اللي عايش معاها مش حاسه بيه ولا بظروفه وعلي طول بتشتكي
يعني لو مثلا بيتأخر في شغله تضايقي وتزعلي ولو مثلا حالته الماديه الشهر ده بتزعلي ولو مثلا طبتي حاجه ومش جابها برده بتضايقي
كل اللي عاوزه اقوله ليكي انك تقدري ظروف جوزك كويس دايما خدي بالك منه ومن ظروفه وحاولي تجاري امورك علي اساسها
جوزك قدام اهلك صوره ليكي واهلك قدام جوزك صوره ليكي
طبعا الجمله دي مفهاش اي كلام
جوزك قدام اهلك لازم يكون قد المسؤليه اوعي تقولي كلمه وحشه علي جوزك حتي لو لا قدر الله حصل خلاص اوعي تحكيه لاهلك لو انتي حسيتي ان الخلاف ده يتحل بهدوء ليه؟
لان لو انتي كل كلمه قولتيها لاهلك وانتي رجعتي لجوزك واتصالحتي الاهل مش هينسوا الموقف وكدا هتدخلي في حيره غريبه مابينك اهلك وجوزك
خلي دايما جوزك صورته قدام اهلك كأنه شمعه منوره انه مش حارمك من حاجه وان جابلك كذا وكذا وكذا وبيديكي فلوس بزياده وهكذا
والله يابنات
انا في اول جوازي
لما كنت بروح لوالدي علشان والدتي متوفيه
فكان ينزل يجيبلي فاكهه وحاجات كتير اخدها معايا وانا مروحه
مكنتش برضي ابدا واقوله والله عندي جوزي مش مخليني محتاجه حاجه
ولو مثلا جه ايداني فلوس ايدي
ارفض خالص واقوله انا لو محتاجه هاخد بس هوه بيسيبلي فلوس بزياده مش عاوزه اقولكم الكلام ده ساعات بيحصل قدام جوزي
بشوف نظره في عنيه عمري في حياتي مابنساها
اي حاجههتعمليها مع جوزك هيردها ليكي مع اهله
وطبعا اهلك قدام جوزك ممهما كانوا صعبين او مثلا مش بيسألوا عليكي او مثلا مقصريتن اوعي تشتكتي
دايما حسسيه بان العلاقه بينك وبين اهلك قويه وانكم حنينين علي بعض وبتسألوا علي بعض
وهكذا
الحاجات اللي اتكلمنا فيه
1-ليله الدخله
2- نصائح
3- معلومات
4- اساسيات التعامل
5- الغيره وتقدير ظروف جوزك وتقدير جوزك قدام اهلك واهلك قدام جوزك
دلوقتي هنتكلم
عن البيريود لو جاتلك يوم الفرح هتعملي ايه ولا هتتصرفي ازاي؟
الاول انتي اول واحده البيريود تجيلها ليله الدخله فيه بنات كتير جدا جاتلها مش بس كدا بالعكس فيه بنات بتحدد يوم الفرح علي يوم البيريود علي اساس انها هتكون مكسوف من جوزها فتقعد مثلا اربع ايام لحد ماتاخد علي الوضع
لو جاتلك البيريود يوم الدخله
فمتقلقيش ولا تشيلي هم لان اولا مش بايدك
واوعي تسمعي كلام حد وتاخدي حاجه ترفعها
اوعي بجد
لان لو خدتي يبقي كدا انتي هتلعبي في الهرمونات بتاعتك واحنا مش عاوزين لعب في حاجه
خلاص
البيريود جات ومفيش مفر
طب اقوله ازاي ؟
ولا هنعمل ايه؟
ولا هيكون حالنا ازاي؟؟؟؟
1- اقوله ايه؟؟؟
طبعا مفيش فرح الا بكتب كتاب وفي مرحله كتب الكتاب انتوا بتقربوا من بعض عن الخطوبه وبتكونوا متفاهمين اكتر لو انتوا متفاهين التفاهم اللي يسمحلك انك تقوليله اوك
ومش تقوليله صراحه
ممكن تجيبهولي بشكل تاني كأن مثلا تقوليلي يوم الفرح وبعده بتلات ايام اجازه
هوه اكيد هيفهم
طيب لو مفيش كلام بينا في كتب الكتاب في الكلام ده .خلاص تمام يوم الدخله بعد الفرح قوليله زي ماقوللتك اجاز لمده اربع ايام او خمسه
2-طبعا حرام الجماااااااااااااع وانتي عليكي البريود اضرار بتكون عليه الاول قبل مابتكون عليكي
يبقي مفيش جماع بس فيه مداعبات
فيه لمسات
فيه حب
فيه حاجات تانيه
والله يابنات اسعد لحظه اصلا هتمري بيها مش وقت الجماع بس مجرد الضمه من جوزك او حتي انه يطبطب عليكي ده احساس تاني خالص
اهم حاجه تاخدي بالك من نضافتك الشخصيه في الاوقات دي ودايما تغيري الالترا ياريت كل 6 ساعات علشان مش تعمل ريحه مش حلوه
وخدي دش يوميا وعطري نفسك
يعني حسسيه انك مفكيش اي حاجه
تعالوا بقي ندخل في المهم والاهم
مابعد الجماع والاسبوع
وقلق الحمل والتبويض وهكذااااااااااااااااااااا
علشان تعرفوا ان القلق ده مصاحبنا علي طول فانتي هتخلصي من حاجه كنتي قلقانه منها هتطلعلك حاجه تانيه وهكذا مع ان كل حاجه بتقلقي منها بتعدي وبعد مابتعدي بتقولي لنفسك مكنتشي مستاهله القلق ده كله.
المهم
قولت قبل كدا لو كانت البريود خلصانه قبل فرحك ودخلتي وكنتي في مرحله التبويض
يبقي متقوميش علي طول بعد الجماع انا بقول اهو متقومييش بعد الجماع اصل فيه بنات يدوب يخلصوا جماع من هنا وتجري تستحمي وفي الاخر تقول هوه انا مش حامل ليه؟؟؟؟؟؟؟؟؟؟؟؟؟
اصبري بقي علي نفسك بعد الجماع حوالي نص ساعه بالكتير
نص ساعه متتحركيش وتحطي تحتك مخده صوغننه وتضمي رجليكي
ميعاد التبويض
طبعا بيختلف علي حسب طول الدوره
فيه مثلا واحده دورتها بتكون
21 وفيه22 وفيه23 وهكذا
هتقولي يعني ايه طول الدوره واحسب التبويض ازاي
شوفي اخر دورتين جم امته يعني واحسبي الفتره اللي بينهم كام يوم
يلا احسبوا البريود بتاعتكم
وده جدول التبويض سجلوه عندكم
تم الموضوع واتمنى يكون عجبكم واستفدتوا منه
|
|
|
