هافضل أحب فيكى كمان وكمان عشان عاشقك ومن عشقك بغنيلك واقول الشعر فى ليلك وانورلك شموع حبى
حبيبة قلب العاشق قمراية...!!!
هافضل أحب فيكى كمان وكمان عشان عاشقك ومن عشقك بغنيلك واقول الشعر فى ليلك وانورلك شموع حبى عشان فى الضلمة تضويلك وأحكيلك كتير حكايات عن الأحباب يا فاتحة فــ قلبى مليون باب يا سحرانى........ بنظرة شوق أنام وأفوق على سيرتك وفى حدودك يا وافية تملى بوعودك وفى وجودك بلاقى الخل والمحبوب أموت وأدوب فى ضحكاية يا غزلة م الجمال آية يا ضلاية .. فى عز الحر ولو راح ادوق فى عشقك مر هيحلالى دا مين غيرك شغل بالى ؟ وفية كلمة هقولهالك واعيدهالك دا لو باقى فى عمرى كتير هيبقالك عشان انتى اللى بقيالى وراس مالى وموالى وراسمالى البكا بسمة وهبعتلك مع النسمة رسالة تقول بحبك حب محدش حبه من قبلى واروح شرقي واروح غربي الاقى القلب يكتبلى حروف اسمك وابص لفوق الاقى فى السما رسمك وحواليكى النجوم آية بين خصرك
نجمة بتوشوش قمر لفت ومالت زي موجة البحر جريت تحتمي بضي القمر بصوت ناعم قربت من ودن القمر سأل القمر .. مالك ؟ ردت وقالت : ليه بقيت مدمن سهر ؟ النجمة طلت من بعيد شافت عيوني الدبلانين السهرانين ردت وقالت عاشق قوي وليلك حزين وبتجري جري المشتاقين لجل ما تشوف خد القمر او يوم تعيش لحظة حنين ويا السهر
